Karmana - azal-azaldan buyuklar kamolga yetgan, maʼrifat uchog‘i sanalgan qo‘hna shaxarlardan biri sifatida dunyoga mashhur.

  Tarixda har bir xalq va diyorning ilm-maʼrifat egalari o‘sha zaminning maʼnaviy taraqqiyotiga o‘zining ulkan hissasini qo‘shgan va bu boy maʼnaviy meros hozirga qadar xalqning qalbini, dunyoqarashini boyitib kelayotgani uchun ham hech qachon o‘z ahamiyatini yo‘qotmaydi.

  Qadim va navqiron Karmananing o‘tmishda yashagan hamda bugun o‘z faoliyatini olib borayotgan ziyolilari, maʼrifatparvarlari, olimlari o‘z Vatani taraqqiyotiga munosib ulush qo‘shib kelayotgani doimo eʼtiborimiz markazida bo‘lib kelgan.

  Shu maʼnoda aytish mumkin, Karmana tarixini o‘rganish, hamda uning o‘tmishda yashagan va hozirgi kunda maʼnaviy hayotimizga o‘zining munosib hissasini qo‘shib kelayotgan, shu maskanda kamol topgan olimlari haqida maʼlumot beruvchi manba yaratish istagida izlanuvchan va fidoyi inson, texnika fanlari nomzodi, dotsent Xudoyberdi Hamidov “Karmanalik olimlar” to‘plamini yaratdi.

O‘lkashunoslik bibliografiyasi

  O‘lkashunoslik bibliografiyasi mamlakatning maʼlum bir olingan joyi (tuman, shahar, viloyat, geografik zona va h.k.) bilan mazmunan bog‘liq bo‘lgan adabiyotlarni bibiliografiyalash tushuniladi.

  Bibliografiya tarixi —uning qonuniyatlari va rivojlanish tendensiyalarini o‘rganadi.

  Bunda bibliografiya tarixi jamiyatlar tarixi, siyosat tarixi, jamiyatning iqtisodiy, madaniy-ma’naviy hayoti bilan bog‘liq holda o‘rganiladi. Rus bibliografiyasi tarixi masalalarini mashhur bibliograflar N.V.Zdobnov, M.V.Mashkova, L.M.Ravich, S.A.Reyser, B.A.Semyonovker, K.R.Simonlar o‘rganganlar.O‘zbekiston bibliografiyasi, umuman, O‘rta Osiyo bibliografiyasi tarixini o‘zbek bibliograf olimlaridanM.M.Òuropov,Sh.M.Shamsiyev, E.O.Oxunjonov, H.Mamatraimova, turkmanistonlik olim A. Yazberdiyevlar tadqiq qilib o‘rganganlar.

Bibliografiya ishi vazifalari

  Bibliografiya ishi vazifalari — kitobxonlarning mustaqil o‘qishiga ta’sir etish. Buvazifani amalga oshirishda kartotekalar, bibliografik qo‘llanmalar, tavsiya xarakteridagi ko‘rsatkichlar yordamida kitobxonlar o‘qishini boshqarish, tashkil etish bilan amalga oshiriladi, kitobxonlarni axborot olamiga olib kiradi, mustaqil ravishda undan foydalanish ko‘nikmasini tarbiyalaydi, eng yaxshi va zarur hujjatlarni tanlab olishga yordam beradi, undagi bilimni to‘g‘ri va aniq qabul qilishga yo‘llaydi, kitobxonda axborot madaniyatini tarbiyalaydi.

• Mamlakatning ijtimoiy-iqtisodiy rivojlanishiga yordam beradi (har doim jamiyat fan va texnikaning rivoji tufayli taraqqiy topgan, bu esa ana shu fan va texnikani boshqaruvchi, ishlab chiquvchi mutaxassis kadrlarning bilimini oshirishga bog‘liq, bunda bibliografiya yordamga keladi).
• Bibliografiya yordamida mutaxassis zarur adabiyotlarni qidirib topadi, tanlaydi, u bilan ishlaydi, eng asosiysi, adabiyot tanlashda murakkabliklarga uchramaydi.